Инфоматика пәнінен сабақтың тақырыбы:Тармақталу операторы.Шартты көшу операторы

Практикалық жұмыс №7.

Тақырыбы: Тармақталу жəне таңдау операторы.

Практика мазмұны:

1. Тармақталу командасының қысқа жəне толық түрінің жазылуы.

2. Құрама шарттар, құрама операторлар.

3. Таңдау операторының жалпы түрі.

Шартты оператор қандай да бір шартты тексеріп, оның нəтижесіне байланысты белгілі бір əрекетті орындауды жүзеге асырады.

Оның жазылу үлгісі:

1. IF шарт THEN 1-оператор ELSE 2-оператор;

2. IF шарт THEN оператор;

1-жағдай шартты оператордың жазылуының толық түрі, 2-жағдай қысқа түрі деп аталады.

Мысал 1. Берілген үш санның үлкенін табыңдар.

Program max3;

Var a,b,c,max1, max: integer;

begin

Write ('3 санды енгіз'); read (a,b,c);

if a>b then max1:=a else max1:=b;

if c>max1 then max:=c else max:=max1; Writeln ('3 санның үлкені=', max);

end.

Егер then, else қызметші сөздерінен кейін бір емес, бірнеше оператор жазылса, олар құрама оператор деп аталады жəне begin, end операторлық жақшаға алынады.

Егер шарттың саны біреуден артық болса, онда ол құрама шарт деп аталады. Құрама шарттар арасына and (жəне), or (немесе), not (емес) қызметші сөздері жазылады жəне жəй шарттар жақшаға ( ) алынып жазылады.