Тәрбие сағаты. 1 наурыз Алғыс айту күні

Күні: 01.03.2016 жыл сыныптар: 6 ^«б» , 10 ^«а»

Сынып жетекшілері: Алниязова А, Аленова Сайлаукүл

Ашық тәрбие сағаты

Тақырыбы: Татулық - достықтың киелі бесігі

Мақсаты:

1 - жүргізуші: Тауке

Армысыздар, құрметті ұстаздар мен оқушылар!

2-жүргізуші: Ақгүл

«Татулық - достықтың киелі бесігі» атты мерекелік іс - шараға қош келіпсіздер!

1 - жүргізуші: Тауке

1 - наурыз - Қазақстан халықтарының алғыс күні деп елбасымыз Н.Назарбев биылғы жылдан бастап бекітті. 1995 жылдың наурызында дүние жүзіне үлгі болып отырған, ұлтаралық татулық пен тұрақтылықтың феномі - Қазақстан халықтары ассамблеясы құрылды. Бұл ешбір елде болмаған ерекше, саяси маңызы зор құрылым.

2 - жүргізуші: Ақгүл

Армысыздар, құрметті ұстаздар мен оқушылар!1 - жүргізуші: Тауке

Бүгінде әрбір ұлтқа салт - дәстүрлерін жаңғыртуға, мәдениеті мен әдебиетін дамытуға, тілінің жетілуіне қамқорлық көрсетілуде. Дегенмен бақыт, әділдік, бейбітшілік, жарқын болашақ үшін күрес олардың бәрінің басын біріктірді.

«Бірлігі жоқ ел тозады, бірлігі күшті ел озады» дейді қазақ мақалы.

2 - жүргізуші: Ақгүл

Қазақстан мемлекеті көп ұлтты. Біздің елімізде жүз отыздан астам ұлттар тұрады: ұйғыр, кәріс, дүнген, өзбек, қырғыз, түрікмен, тәжік, армян, әзербайжан, украин, белорус, түрік, шешен және тағы басқа шет мемлекеттен келген ұлттар біздің елімізде тіршілік етуде. Біз олармен татумыз, доспыз және бір - бірімізбен қоян - қолтық аралас өмір сүрудеміз.

1 - жүргізуші: Тауке

Ағайын - туған - бар адам.

Адалдық үшін жаралған.

Бар қымбат туыстық,

Баянды болсын тыныштық! - дей келе әр ұлттың өкілдерінен шыққан оқушылардың өлең жолдарына кезек береміз.

1 - жүргізуші: Тауке

Қырғыз, қазақ, өзбектер,

Монғол, ұйғыр, дүнгендер,

Армян, тәжік, грузин,

Орыс пенен украин

Терезесі тең жатыр - дей келе әнге кезек берейік.

Ән: «Атамекен» орындайтын 6 сынып оқушылары

Кешке келген Гүлжамал апай мен Рая апай

2 - жүргізуші: Ақгүл

Халқымыз достық, ынтымақтастыққа ерекше мән берген «Қырғыз, қазақ - бір туған», «Өзбек - өз ағам», «Түбі бірге түрікмен» деп қырғыз, өзбек, түрікмен және т. б. ұлттарды ынтымақтастыққа шақырған. Бірлік - халық салты. Халқымыздың бірлік салты отбасынан басталып, бүкіл елдің, барлық адам баласының бірлігімен ұласады.

1 - жүргізуші: Тауке

Көрініс: «Бірлік» орындайтындар. 6 сыныптың бір топ оқушылары.

Автор: Ертеде бір қария балаларын бірлікке былай үйреткен екен. Қарт бір бума шыбықты сындыруды ұсынады. Ұлдары олай әуреленіп, былай бір бума шыбықты сындыра алмайды. Қарт буманы шешіп, шыбықты бір талдап сындырып көруді ұсынады. Шыбықтар оп - оңай сынады.

Қария: бірігіп өмір сүрсеңдер, сендерге ешкімнің де әлі келмейді. Ал жеке - жеке тұрсаңдар, әрқайсыңды біртіндеп құртады.

2 - жүргізуші: Ақгүл

Халқымыздың қанға сіңген осы берік бірлігі, ұйымшылдығы, басқа халықтармен одақтасып, достаса білу жеңістен жеңіске жеткізеді. Оған халық куә, тарих куә! Тауке мен саған бір сұрақ қойғым келеді. Бұл әлемде адамзат баласына ең қажетті нәрсе не?

Тауке :Дүниежүзінде бәріміз жақсы көретін нәрсе тыныштық, бірлік.

Ақгүл :Әрине, халқымыз ең әуелі тыныштықты қалайды.

1 - жүргізуші: Тауке

Ал, енді «тыныштық» деген сөздің мәнін білесіңдер ме?

Оқушы: Дүниежүзінде соғыс болмаса, тыныштық деген сол. Елдегі тыныштықты халық «береке - бейбітшілік» дейді.

2 - жүргізуші: Ақгүл

Бейбітшілік құсы, ақ көгершін.

Биік ұшып, самғасын.

Тілегімді жерге жайсын,

Қанаттары талмасын. - дей келе 10 сынып оқушыларының өлең жолдарына берейік.

1 - жүргізуші: Тауке

Сәбилер зәресін бұлт алмасын,

Гүл бәйшешек еш уақытта солмасын.

Ақ көгершін аспанымда қалықтап,

Барлық халық бейбіт күнді қолдансын.

2 - жүргізуші: Ақгүл

Көрініс: «Үш би» орындайтын 6 сынып

оқушылары

1 - жүргізуші: Тауке

Ынтымақ - достықтың бірлігі.

Ырыс алды - ынтымақ.

Достық күші - бірлікте.

Достық түбі - береке, береке түбі - мереке.

Ел бірлігі - ел теңдігі.

Ынтымақ жүрген жерде,

Ырыс бірге жүреді.

2 - жүргізуші: Ақгүл

Ұстаз деген - жарық күні ғаламның, Ұстаз деген - анасы ол адамның. Бүкіл әлем мойындайды еңбегін, Сен де одан адам болып жаралдың. Ұстазыңды түсінген сен тереңнен, Бар әлемге еңбегімен еленген. Сенің бағың өрге қарай өрлесе, Ол да бірге қуанышқа кенелген. Сол арқылы сен де өмірді жалғадың, Ізгі іс қой, ұстаз тілін алғаның. Мақтау алсаң ұстаздардың алдында, Ол өзіңнің орындалған арманың. Ұстаз сөзін айтып жүрдік ән қылып, Одан басқа жүрген кім бар жанды ұғып. Ұстаз деген - ұлылардың ұлысы, Қасиеті бас иелік мәңгілік!

1 - жүргізуші: Тауке

Ұстаз -ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді. Ақырын жүріп анық бас. Еңбегің кетпес далаға Ұстаздық еткен жалықпас, Үйретуден балаға, - деп Абай атамыз айтқандай, шәкірттерінің өзінен озғанын калаған ұстаздар қауымы, мерекелеріңіз құтты болсын! II жүргізуші: Денсаулықтарыңыз мықты болсын, шаңырақтарыңыз шаттыққа толсын, біздей шәкірттеріңіз көп болсын! БІРГЕ: Мерекелеріңіз құтты болсын!

Ән.«Анашым» орындайтындар. 6 сыныптың бір топ оқушылары.

2 - жүргізуші: Ақгүл

Сен қалай ойлайсың, Тауке? Менің ойымша, кез-келген мұғалім ұстаз бола алмайды. Себебі ұстаздық-өнер, тағылымы терең өнер. Ал өнерлі болу кез-келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.

1 - жүргізуші: Тауке

Әдемі, мен осы сөзің дәлелді бола түсу үшін мына жыр шумақтарын қосайын. Ұстаз болу - жүректің батырлығы,

Ұстаз болу - сезімнің ақындығы,

Ұстаз болу - мінездің күн шуағы,

Азбайтұғын адамның алтындығы - деп ақын Ғафу Қайырбеков ағамыз жырлағандай, біздің мектебімізде сөзі маржан, үні ән ұстаздардың бар болғанын мақтаныш етемін. Әрине, ұстаз жүгі-ауыр жүк. Адамның жан дүниесін түсініп, ренжітпей, қателігін сездіре білу - бұл нағыз шеберлік емес пе?!

2 - жүргізуші: Ақгүл

Ендеше, Ұрпақпен өмір жолы жалғанады,

Көңілді күндер тусын алдан әлі Ән-шашу әсем әуен, түрлі өнер, Бүгінгі күн сіздерге арналады. Ұстаз туралы ән сіздерге арналады,

Күллі өмірін жеткіншекке арнаған Мұғалімді ардақтайды барша жан,

Ол мектептен шықпаса да қыс- жазы,

Жемісі оның жердің жүзін шарлаған

Бала десе ойламайды өз қамын

Керсем дейді күнге де кол созғанын

Шәкірттерін өзінен де озғанын-дей келе ендігі кезекті Орыс биіне берейік1 - жүргізуші: Тауке

Қадіріңді кезінде білмепті ғой ұланың.

Қазір әрбір сөзіңе, елеңдейді құлағым.

Бірдей етіп ұстадың, демей бізге бөтенсің.

Кейде акылын ұстаздың, сағынады екенсің.

Сол ұстазға жаны нұр, демек үлкен адаммын.

Есейсек де бәрі бір, баяғы шәкірт, балаңмын-деп қанша есейіп кетсек біз сіздерді ешқашан ұмытпаймыз.

2 - жүргізуші: Ақгүл

Ғылым иесі ғалым да, ел қорғаған батыр да, тілінен бал тамған ақын да, тегеуріні темір балқытқан жұмысшы да, егін салған диқан да, мал бағып терін төккен шопан да, көк күмбезінен әрі өткен ғарышкер де бәрі-бәрі ұстаздан білім, тәлім алған, сондықтан ұлағатты ұстаздар сіздерге бүкіл адам баласы құрметпен бас иеді.