Воспитательная работа 3-4 класс

«Қостанай қаласы білім бөлімінің № 115 орта мектебі» ММ

Әбдікәрімова Ж.Қ.

2015 оқу жылы

Мақсаты:

Білімділік: пәнге деген қызығушылығын арттыру, батылдығын шыңдау, танымдық қабілеті мен білім деңгейлерін тексеру.

Дамытушылық: жылдамдыққа тәрбиелей отырып, сөйлеу қабілетін, мәдениетін, логикалық ой - өрісін дамыту, интеллектуалдық қабілетінің дамуына ықпал ету.

Тәрбиелік: туған еліне, жеріне деген сүйіспеншілігін арттыру, халықтың әдет - ғұрпын, салт - дәстүрін сақтап, оны әрі қарай жалғастыруға тәрбиелеу.

Жүргізуші: - Сәлеметсіздер ме балалар!

«Тәуелсіз ел тірегі - білімді ұрпақ», «Білікті бірді жығады, білімді мыңды жығады» - деп халқымыз бекер айтпаса керек. Бүгін біз «XXI ғасыр көшбасшысы» атты 3-4 сыныптар арасындағы танымды - интеллектуалды викториналық сайысына қош келдіңіздер! Ендеше оқушыларымызбен танысып өтейік.

Енді сайысымызды бастаймыз.

Сайысымыз 4 турдан тұрады:

1. БӘЙГЕ.

2. КӨКПАР.

3. ЖОРҒА.

4. ДОДА.

«Мыңнан тұлпар, жүзден жүйрік» демекші баршаңызға сәттілік тілеймін!

I - тур «БӘЙГЕ»

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер. -деп білімді сарапқа салар сәтті бастайық.

Ойынның шарты:

1. Мұнда барлық сайыскерлерге ортақ мектеп бағдарламасынан және бағдарламадан тыс 13сұрақ беріледі.

2. Әр сұрақтың 3 жауап нұсқасы бар.

3. 5 секунд ішінде қойылған сұрақтың жауабын қолдарындағы параққа белгілеп, дұрыс жауапты тексеріп тұрасыңдар. Яғни тұсына «+» белгісін

қойындар. Әр дұрыс жауап 1 ұпай.

4. «Бәйгенің» сұрақтары оқылып болғаннан кейін сайыскерлердің ұпайлары есептелінеді.

1. 1924 - жылға дейін Қазақстанның астанасы болған қала? \Қызылорда\

2. Дала жұлдызы атанған адам \Ыбырай Алтынсарин\

3. Әлемдегі ең үлкен мұхит \Тынық мұхиты\

4. Қазақстанның тұрғындары көп қала \Алматы\

5. 1916 - жылы ұлт азаттық көтерілісін бастаған батыр \Амангелді батыр\

6. Мұқағали Мақатаевтың "Үш бақытым" өлеңіндегі бірінші бақытын ата "......, Тілім, Отаным" \халқым\

7. Ауданы 100 м² шаршы қабырғасының ұзындығы \10 м\

8. Қазақстан солтүстігінде қай елмен шектеседі? \Ресей\

9. Қазақстан Республикасының мемлекеттік туының авторы \Ш. Ниязбеков\

10. Мемлекеттік рәміздер қашан қабылданды? \1992 жылы\

ІІ тур «КӨКПАР»

Ойынның шарты:

Турдың ерекшелігі әр сынып өз сыныбының бағдарламасы бойынша пәндерден сұрақтар келеді. Таңдаған киіз үйдің артында төрт сұрақ болады. Әр дұрыс сұраққа 1 ұпайдан беріледі.

Алайда ұпайы аз төрт оқушы сайыстан шығып қалады.

4 - класс

10 -

1. Бұл кім?

(І. Жансүгіров)

2.Сөйлемде бір ғана сұраққа жауап беріп, бірдей тұлғада тұратын сөйлем мүшелерін не дейміз?

3.Көкжиектің неше тұсы бар?

4.Қорап тәрізді жәшіктің көлемін қалай табамыз?

20-

1.Бұл кім? (Б. Майлин)

2.Мектебім сөзіне қандай жалғау жалғанған?

3.Тянь Шянь атауы қытай тілінде не деген мағынаны береді?

4.1 жылда неше күн?

30-

1.Бұл кім? (А. Пушкин)

2.Табыс септігінің сұрақтарын ата

3.Ауа қабаты жерді неден сақтайды?

4.Көбейтудің қасиеттерін ата

40-

1.Бұл кім? (С. Сейфуллин)

2.Жүрек жалғау тіркесі нені білдіреді?

3.Қазақстан дүние жүзі елдері ішінде жер көлемі жөнінен нешінші орын алады?

4.Ұшақ 800 км/сағ жылдамдықпен ұшса, 4 сағатта қанша км ұшады?

50-

1.Бұл кім? (Ш. Құдайбердиев)

2.Қандай? Қай? сұрағына жауап беретін сөз табы

3.Мынау қандай пайдалы қазбаның шартты белгісі?

4.Көпбұрыш қабырғаларының қосындысы?

3 класс-

10-

1.Бұл кім? (М. Жұмабаев)

2. Дауыссыз дыбыс түрлерін ата

3.Жер қыртысын толтырып жатқан денелер

4.Тік төртбұрыштың ауданын қалай табады?

20-

1.Бұл кім? (Ш. Қалдаяқов)

2.Тұрлаулы мүшелерді ата

3.12 жұп қаңқа атауы

4.Қай санға бөлуге болмайды?

30-

1.Бұл кім? (Д. Нұрпейісова)

2.Түбір сөзге жұрнақ қосылу арқылы жасалған сөзді қалай атайды?

3.Мынау қандай пайдалы қазбаның шартты белгісі

4.Санды өзіне - өзін бөлсе, неше шығады?

40-

1.Бұл кім? (Қ. Сәтпаев)

2.Заттың қимылын білдіретін сөз табы

3.Балқашқа құятын өзен

4.1 тоннада неше центнер?

Ұпайы аз 4 оқушы сайыстан шығады. Қалған 5 оқушы сайысты одан әрі жалғастырады.

III - тур «ЖОРҒА»

«Білгенін бір тоғыз, білмегенін тоқсан тоғыз» Осы турда сайыскерлеріміздің білімін, таным қабілетінің жан-жақтылығын сынайтын кез жетті.

Ойынның шарты:

1. Экраннан бес ұяшық көрсетіледі.

2. Әр ұяшықта бес сұрақтан болады. Ол сұрақтар әр түрлі тақырыптан алынған.

3. Ұяшықтағы сұраққа жауап берсе ойыншы (он) 10 ұпайды иеленеді.

4. Алдынғы турда жинаған ұпайларын жойылады. Бұл турда ұпайды жаңадан жинайсыңдар.

Жүргізуші: Міне біздің үшінші турымызда өз мәресіне жетті. Өкінішке орай бұл турда ұпайлары аз екі оқушы ойынын тоқтатады. Көңілдеріне қаяу түспесін. Сіздерге болашақта сәттілік тілеймін!

(Ескерту: Ұяшықты бірден бастап ретімен ашу қажет)

1 2 3 4 5

1 ұяшық

1."Ақсақ киік" өлеңінің авторы

2.Илья Ильин ауыр атлетикадан неше дүркін әлем чемпионы?

3.«Ана туралы жыр» әнінің авторы?

4.Қай айда 28 күн бар?

5.Әннің авторын табыңыз

2 ұяшық

1."Абай жолы" романын жазған кім?

2.Олимпиада чемпиондарын марапаттайтын медаль металдарын атаңыз?

3.Күй атасы кім?

4.Суды елекпен қалай тасуға болады?

5.Жылқы атасы

3 ұяшық

1."Күз","Қыс","Жаз","Жазғытұры" өлеңін жазған ақын

2.Бокстан Лондондағы ХХХ жазғы Олимпиада ойындарының чемпионы

3.Париж халқын өз өнерімен тамсандырған қазақ кім?

4.Ақтөбеде біреу Өскеменде жоқ, Алматыда екеу Астанада көп? Ол не?

5.Жер күн жүйесінде нешінші планета?

4 ұяшық

1."Адамдық борышың" шығармасының авторы

2.Ми жұмысына арналған қазақтың ұлттық спорт түрін атаңыз

3.Қорқыт атаның аспабы

4.Бірінші төрт аяқты, кейін екі аяқты, одан кейін үш аяқты ол не?

5.Монументтің атауы

5 ұяшық

1."Адам болам десеңіз" өлеңнің авторы

2.Шахмат ойынында қанша түрлі фигура болады?

3.«Адай» күйінің авторы кім?

4.Жердің ортасында не бар?

5."Бәйтеректің" биіктігі қанша метр?

IV. тур «ДОДА»

Қажу бар ма тұлпарға,

Талу бар ма сұңқарға.

Білім күшті оларда

Салсын барын ортаға.

Ойын шарты: Бұл шешуші тур, яғни көшбасшыны анықтайтын тур. Алдарында төрт тақырып: «Салт - дәстүр», «Еркін тақырып», «Ең, ең....», «Логика». Әр тақырып бес сұрақтан тұрады. Таңдаған ұяшық саны ұпай санын білдіреді. Сан үлкейген сайын сұрақ күрделене түседі. Сайыскерлерге сәттілік тілеймін.

(Ескерту: Әр тақырыптан таңдаған санды ашқан соң сол санды басып кері қайту керек.)

1.Салт - дәстүр

2.Ең, ең...

3.Логика

4.Еркін тақырып

Жүргізуші: Сайыскерлеріміздің ұпай сандары дайын болса, сөз кезеңін әділ - қазы алқасына береміз.

«XXI ғасыр көшбасшысы» атанған.................................................... осы дипломмен марапатталады.

Жүргізуші: Оқушыларымыздың білімін, санасын, оқуға деген құштарлығын оятатын зияткерлік сайысымыз көбейе берсін. Көріп тамашалағандарыңызға көп - көп рахмет.