Үй мен пәтердің сәндік бұйымдары \аудан көлемінде өткізілген семинар сабақ жоспары\

Сабақ №2 Күні: 01.02.2016 Сынып: 9 Пән:Технология

Сабақтың тақырыбы: Үй мен пәтердің сәндік бұйымдары

Сабақтың мақсаттары:

Білімділік: үй мен пәтердің сәндік бұйымдары жайлы түсінік беріп, этникалық стильде қолөнер бұйымдарын жасау арқылы безендіруді үйрету;

Дамытушылық: қиялы мен шынайы дүниені сәйкестендіре отырып жұмыс жасауына жағдай жасау мен танымдық қабілеттерін дамыту;

Тәрбиелік:оқушыларға эстетикалық әрі ұлттық тәрбие беру, еңбекке баулу;

Сабақтың түрі: жаңа сабақ

Сабақтың әдісі: түсіндіру, әңгімелеу, көрсету

Сабақтың көрнекілігі: флипчарт, еуропалық және этникалық стильдегі бөлме дизайндарының суреттері.

Пәнаралық байланыс: бейнелеу, сызу

Сабақтың барысы

І.Ұйымдастыру кезеңі

1. Сәлемдесу.

2.Оқушыларды түгелдеу.

3. Оқушыларды сабаққа дайындау

ІІ. Жаңа материалды енгізу

Үй -адамның өз уақытының негізгі бөлігін өткізетін, өзін қауіпсіз сезінетін орны. Сондықтан адамдар үйді сәнді, әдемі, ыңғайлы жайлы етіп безендіруге тырысады.

Үй мен пәтерді безендіргенде мына үш негізгі жағдайға баса назар аударылады:

• Функционалдық

• Гигиеналық

• Эстетикалық

Үйдің функционалдық сапасы- отбасы өміріне жайлы жағдай туғызады. Пәтердегі әр бөлменің өзіне тән орны бар: ас үй тамақ дайындау үшін қажет, жатын бөлме демалуға арналғын. Сондықтан үйдің жобасы неғұрлым тиімді болса, жиһаз бен құрал жабдықтардың орнын тауып орналастыру соғұрлым қолайлы, баспана жайлы болмақ.

Гигиеналық сапа- акустикалық оғаштау (дыбыс өткізбейтін), ауа алмасу, қалыпты жылу алмасу, ортасын, санитарлық-гигиеналық құрал-жабдықтардың үзіксіз жұмыс істеуін қамтамассыз ету. Мұның бәрі құрылыс кезінде, яғни үйді салған кезде ескеріледі.

</ Безендірудің эстетикалылығы- функционалдық қажеттілік, пайдаланылатын заттар ретінде, сондай-ақ эстетикалық қызмет атқаратын сәндік элементтер ретінде біріктіріледі. Оған кілем, маталар, сәндік ыдыстар, мүсін, ұсақ пластика, картиналар, сәндік қолөнер заттары, сәндік көгалдандыру жатады. Осы элементтерді қабырғаның, жиһаздың жасалған, құрал-жабдықтың түсімен үйлестіре отырып баспананың ішкі көрінісіне өзіндік түр, жалпы ансамбльге көркемік ерекшелік беріп, оны жалпы эстетикалық шешімге бағындыруға болады.

Пәтердің жайлылығы- пәтердің функционалдық, техникалық және эстетикалық сапасына кіретін кешенді ұғым. Ыңғайлылық, пайдалылық және көркемдік пәтердің тұтынушылық және эксплутациялық біртұтастығын қамтамассыз етеді. Жайлылыққа пәтердің өлшемдерін арттыру, тиімді жобалау, заманауи техникалармен үйді жабдықтау ғана емес үйдің ішкі көрінісін түрлі тәсілдермен ерекше етуге болады.

ІІІ.Сарамандық жұмыс

Құрал-жабдықтар: киіз немесе фетр материалы, түрлі-түсті тоқыма немесе қол тігісіне арналған жіп, ине, қайшы

1. Кіріспе нұсқау

-өткір заттармен жұмыс істеу барысындағы қауіпсіздік техникасын еске түсіру;

-жұмыстың жасалу технологиясы мен бұйымды көрсету;

2. Ағымдығы нұсқау

-жұмыстың дұрыс орындалуын қадағалау;

-қауіпсіздік техникасының сақталуын қадағалау;

-жұмыстың технологиялық бірізділігін орындауын тексеру;

3. Қорытынды нұсқау

-қателіктер мен оларды жою туралы талдау;

- сабақты қорытындылау;

Жұмыстың орындалу барысы:

1. Қою түсті фетр матасын фон ретінде аламыз

2. Ақ түсті фетр матасына бейнені ойып қиып аламыз

3. Дайын үлгіні фонға қол тігісімен тігеміз

4. Бұйымды дайындаудың соңғы жұмыстарын жасаймыз

ІҮ. Бекіту сұрақтары

1. Үй мен пәтерді безендіргенде назар аударатын жағдайлар?

2. Гигиеналық сапа дегеніміз не?

3. Безендірудің эстетикалылығы деген не?

Ү. Үй тапсырмасы

Этно стильдегі интерьер бойынша бөлмені жабдықтау

ҮІ. Бағалау

Тексерген: оқу-тәрбие ісі жөніндегі орынбасар: Н.Махметова