Кітапхана - парасаттылық мекені

Тақырыбы:Кітапхана-парасаттылық мекені

Мақсаты:білімнің кітап арқылы берілетінін ұғындыру;кітаптың адам өміріндегі маңызы,ғылым мен білімнің пайдасы жайлы түсіндіру;кітапқа деген қызығушылығын арттыру;оқулықтарды күтіп ұстауға үйрету.

Көрнекілігі:кітап жайлы жазылған плакаттар,суреттер.

арысы:

Ұйымдастыру.

«Кітап та алма ағашы

Жемісін біздер теретін

Тәтті алмаға балашы

Кітабыңның әр бетін»деп Мұзафар Әлімбаев атамыз жырлағандай әдеби кітаптар мен оқулықтар-сендерге білім көзі,рухани қазына.Біз кітап арқылы бастауыш мектептің өзінде-ақ бүкіл адамзат өмірімен танысамыз.Кітап білімізді молайтады,кітаптан көп өнеге мен тәрбие аламыз.Оқығанның,тоқығанның көп болса жеңілмейтін жау,алынбатын қамал жоқ.Дана халқымыз «Білекті бірді жығады,білімді мыңды жығады»деп бекер айтпаса керек.Бүгінгі 3- сынып оқушылары дайындаған «Кітапхана-парасаттылық мекені»атты тәрбие сағатымызды бастауға рұхсат етіңіздер.

Ақбота:Кітап-рухани азық.Кітап адамның дүниетанымын кеңейтеді. Біз кітаппен күн сайын кездесеміз.Ертегі,әңгімелермен сыр шертетін кітаптар-біздің ең жақын ақылшымыз.

Гүлім:Кітап шығару үшін көптеген адамдар еңбек етеді.Біз кітапты қалай ұстауымыз қажет?

Мейірхан:Кітапты жыртпай,кірлетпей,бүлдірмей таза ұстап,оқыған кезде мәнерлеп оқу керек.

Мұғалім:Балалар,бүгін бізге қонаққа «КІТАП»келіп отыр. «Кітапты» ортаға шақырайық.

Кітап:Балалар,мен білім көзі-Кітаппын.Мені жасау үшін көп адам еңбек сіңірді.Балалар,кітап қайдан шығатынын білесіңдер ме?

Балалар:Ағаштан

Мұғалім:Кітап шығару үшін көп еңбек сіңіріреміз.Кітап сен бізге қонақ болып балалардың білімін

Балалардың білімін тамашала.

Айназ: Адамның досы-кітап,өмір кілті,

Тең келмес оған барша жиған мүлкі

Ақылшы,жанға серік,жол бастаушы,

Асыл ғой қазынасы,өмір көркі

Нұрдаулет:Саған білім жемісін

Оқулығың береді

Талай адам сол үшін

Маңдай терін төгеді.

Ханшайым:Орманның аялы

Алақаны өсірген

Сонау ағаш саялы

Қағаз үшін кесілген

Алмат:Ағаш кесіп қанша адам,

Ормандарда жүреді

Аға қанша шаршаған

Ағаш тиеп үнемі

Нұрайна:Зауыттарда күн-түні

Қағаз жасап бағады.

Қанша адам кім төгеді

Маңдай терін төгеді

Әділет:Оқулықты баршаға

Талай ғалым қолға алып,

Жылдар бойы қаншама

Жазады ұзақ толғанып

Бақдәулет: «Әдемілеп берсем»деп

Бояу жағып не түрлі,

Суретшілер көркемдеп

Қаншама уақыт отырды.

Данагүл:Әріп теру үшін де,

Талай адам терледі

Баспахана ішінде

Айлап тыным көрмеді

Абулхаир:Оқулықты мектебің

Берер саған теп-тегін

Білмейсің-ау сен бірақ

Қаншама еңбек кеткенін

Леонид:Оқулықты мектебің

Күтіп ұста,кірлетпе

Кішілерге табыс ет

Дақ түсірмей бір бетке.

Көрініс: «Науқас кітап»

Оқушы:Сәлеметсіз бе,дәрігер?!

Дәрігер:Сәлеметсіз бе!

Оқушы:Дәрігер,мен сізге кітабымды әкелдім.Ол қатты науқас.

Дәрігер:Жарайды,алдымен диагнозын анықтап алайық.

Оқушы:Мен үйде жоқта кішкене балалар ұстап осындай күйге жеткізіпті.

Дәрігер:Мұңайма,кітабыңды емдеп жазамыз.Кітабыңа су тиген,беттері жыртылған.

Кітабыңды түптеймін,жыртылмасын

Мұқабасын бүкпеймін,қырқылмасын

Таза болсын беттері,кірлемесін

Көрген адам «Кітабың кір» демесін

Мен мынадай кеңестер жазып беремін,үнемі есіңе сақтап жүр.

Оқушы:Жарайды,дәрігер,кеңестеріңізді үнемі есте сақтаймын.

Дәрігер: Жарайды,кетіңіздер!Сау болыңыздар!

Оқушы:Сізге көп рахмет!Сау болыңыздар!

Мұғалім:Балалар,дәрігер апайымыз айтқандай кітаптар да ауырады екен.Сол зиянды болдырмау үшін мынадай ережелер бар екен:

1.Кітаптың бетін шимайлама.

2.Кітапты бүлдірмей,жыртпай таза ұстау керек.

3.Кітаптың беттерін бүктеме.

4.Кітаптың мұқабасын тыстап қой.

5.Кітапханадан алған кітапты уақытымен қайтар.

6.Кітап бетіне сурет салма.

Мұғалім:Балалар,кітап туралы жазған ғұлама ақын-жазушыларымыздың қандай нақыл сөздерін білесіңдер?

Бақдәулет:Кітап маған тақтан да қымбат.

Нұрайна:Артық ғылым кітапта,

Ерінбе оқып көруге.

Жақсы кітап ақылды адамның әңгімесімен бірдей.

Мейірхан:Кітап-мұхит,сол мұхиттан не терең,

Мен біліммен ылғи дос боп өтер ем!

Мен бай болсам,тек қана кітап сатып алар ем.

Ақбота:Кітап-әлемдегі құпиялы ұлы ғажайыптардың бірі.

Алмат:Кітап-асып таспайтын асыл досымыз.

Мұғалім:Рахмет,балалар.Енді мен сендерге жұмбақ жасырайын.