Тақырып: Қосымша бағдарламалау пакеті.

№_4_ Сабақ жоспары

Топ

Сабақтың өткізілетін күні

Пән аты: Бағдарламамен қамтамасыздандыруды құру технологиясы.

Оқытушы: Убаев Каримжан Камилжанович

Сабақтың тақырыбы: Қосымша бағдарламалау пакеті.

Сабақтың мақсаты:

Білімділік: Қосымша бағдарламалау пакеті туралы үйрету, түсіндіру.

Дамытушылық: Өмірдегі күнделікті тіршіліктен мысалдар келтіре отырып, өз бетімен іздену, білімдерін іс - жүзінде қолдана білу дағдыларын дамыту.

Сабақтың түрі: Ізденіс сабағы.

Сабақ әдісі: Сын тұрғысынан ойлау технологиясы арқылы алдына мақсат қоя отырып оқыту, зерттеу әдістері.

Пән аралық байланыс: информатика, есептеу кешендерінің операциялық жүйелері, қазақ тілі

Сабақтың жүрісі:

І Ұйымдастыру.

1. Сабаққа дайындықтарын тексеру

2. Мұғалімнің кіріспе сөзі:

Маңызды сөздер (шарты: сөздердің мәнін ашу)

1. Бағдарламамен қамтамасыздандыру сөзінің мәні?

2. Бағдарламамен қамтамасыздандыруды құру технологиясы пәні нені үйретеді?

Сабақтың құрылымы мен мазмұны.

I.Ұйымдастыру кезеңі:

Сәлемдесу, түгелдеу, оқушылардың сабаққа дайындығын тексеру

II .Оқушылардың өткен тақырып бойынша білімін тексеру:

Үй тапсырмасын сұрап, білімдерін қосымша сұрақтар арқылы тексеру

</<span>Тапсырма: «Қызықты тапсырмалар» тауы

Жолмен келе жатып, сіздер «Қызықты тапсырмалар» тауына тірелдіңдер. Оны өту үшін тапсырмаларды орындау керек. (бір тапсырма үшін - 1 балл)

• Тақтада сөздер берілген, олардың анықтамаларын беру керек.

• Ребустерді шеш

III.Жаңа материалды түсіндіру.

Қосымша бағдарламалау пакеті.

Қолданбалы бағдарлама (Прикладная программа; application program) - 1) пайдаланушының қолданбалы мәселелерді шешуге арналған программасы; жұмыс істеуші адамның нақты тапсырмасын орындайтын дестелік файлдағы программа. Әдетте, кеңірек айтылса, бұған командалық процессордан басқа программалардың барлығы жатады; нақты мағынада айтылса, оған мәтіндік процессорды, мәліметтер базасын, электрондық кестені және т.б. жатқызуға болады; 2) нақты есепті шығару үшін қолданылатын программа. Мысалы, мәтіндік редактор немесе мәліметгер базасы басқару жүйесі. "Қолданба" атауының синонимі ретінде пайдаланылады.

Қолданбалы бағдарлама (Windows ортасындағы) (Приложения Windows; Windows application) - Windows операциялық жүйесі негізінде жұмыс атқаратын қолданбалы бағдарлама. Мұндағы графикалық интерфейстің ұйымдастыру ережелері, мәзір жүйесінің, диалогтық терезелерінің пішімдері Windows қолданбалы бағдарламаларының барлығына бірдей (мәзірдің көрінісі және орналасуы, тінтуірді және пернелерді пайдалану ережелері және т.б.) болады.

Қолданбалы бағдарламалар дестесі

Қолданбалы бағдарламалар дестесі (Пакет прикладных программ; application program package) - белгілі бір саладағы мәселелерді шешуге арналған бағдарламалар мен оларды пайдалану тәсілдерінің жинағы. Олар магниттік дискілерде немесе таспаларда жазылып, компьютермен бірге жіберілуі мүмкін. Әрбір қолданбалы бағдарламалар бумасы нақты саладағы мәселелерді шешуге икемделген (мысалы, бухгалтерлік есеп, дифференциалдық теңдеулерді шешу және т.б.).

Қолданбалы бағдарламалар интерфейсі

Қолданбалы бағдарламалар интерфейсі (Интерфейс прикладных программ; application programming interface) - 1) бағдарламалаушылар белгілі бір компьютерлік ортада қолданбалы бағдармалар жазуға пайдаланатын міндеттер жинағы (интерфейс); 2) операциялық жүйе орындайтын төменгі деңгейлік операцияларды жүзеге асыруға қолданбалы бағдарлама шақыратын процедуралар жинағы.

Қолданбалы бағдарламалау

Қолданбалы бағдарламалау (Прикладное программирование; application programming) - қолданбалы мәселелер шешуге арналған бағдарламалау.

Қолданбалы (арнайы) бағдарламалық жасақтама

Қолданбалы (арнайы) бағдарламалық жасақтама (Прикладное (специальное) программное обеспечение; application software) - қолданбалы мәселелерді шешуді жасақтайтын жеке қолданбалы бағдарламалар мен қолданбалы дестелерден тұратын бағдарламалық жасақтаманың бөлігі.

Қолданбалы бағдарламаның негізгі терезесі

Қолданбалы бағдарламаның негізгі терезесі (Основное окно приложения; Main application window немесе main window) - көп терезелі қолданбалы бағдарламалар үшін мәзірі мен туынды терезелері бар негізгі бағдарлама мен адам арасындағы өзара байланысты ұйымдастыратын терезе.

Қорытындылау:

1. Қосымша бағдарламалау пакеті туралы сұрақтарға жауап беру.

2. Өтілген тақырып бойынша 10 сөйлемнен тұратын түсінік жазу.

3. Оқушылардың Қосымша бағдарламалау пакеті туралы ойын білу үшін ассоциация толтырайық.

4. Инсерт әдісін қолданып, білімін, нені үйрендім, нені білгім келеді кестесін толтыру.

Үй тапсырмасы: ____Н-3 22 - 28 б, Н-4 45 б _____

Оқытушының қолы: _____________________ Убаев К.К.

ПБ төрағасы: _____________________ Убаев К.К.