«Заттармен, жалпақ пішіндермен, суреттермен және елестету бойынша ойындар мен жаттығулар үдерісінде көлем параметрлерін ажырату»

Күні

Пәні: коррекциялық сабақ

Сыныбы: 2б

Тақырыбы: «Заттармен, жалпақ пішіндермен, суреттермен және елестету бойынша ойындар мен жаттығулар үдерісінде көлем параметрлерін ажырату»

Мақсаты: Оқушының кеңістікте бағдарлау икемділіктері мен дағдыларын жетілдіру.

Әдісі: суреттер арқылы көлемді,пішінді ажырату,салыстыру, есте сақтау.

І.Ұйымдастыру жұмысы.

а) Оқушымен амандасу.

ә) Баланың көңіл-күйін, оқу-құралдарын анықтау.

б) Оқушының зейінін сабаққа аудару.

ІІ. а) «Таяқшалардан қатар құр»

Ұзындығы әртүрлі он таяқшаны бір қатарды биігінен аласасына қарай, екінші қатарды аласасынан биігіне қарай бір мезгілде екі қатар етіп тізу керек.

б) «Көлемдері бойынша орналастыр» жаттығуы.

Оқушы мұғалімнің өтініші бойынша қатырмақағаздан кесіп алынған заттарды көлеміне қарай тізеді. (алма ,кесе, ожау, шелек т.б)

ІІІ. Тапсырма беру. (Үлестірме суреттер)

а) Пішіндері бірдей нысандарға зер салып қара.

б) Олардың ішінен өте ұқсас нысандарды ата.

в) Бұл нысандар туралы не білесің? Әңгімелеп бер.

Ұсынылатын суреттер: жалаушалар, жеміс-жидектердің суреттері, шырша ойыншықтары т.б.

Бақылау: баланың зейіні, ойлау қабілеті,қызығушылығы,ынтасы.

ІҮ. «Заттарды салыстыр» жаттығуы.

Көру арқылы салыстыру. Суреттер салынған плакаттар.

- Көлемді үстел ме, орындық па? Тұрған үйің үлкен бе,

әлде мектеп үлкен бе ?

- Көлемді терек пе, гүл ме? - Ата үлкен бе, бала үлкен бе?

Ү. Тапсырма:

Мақсаты: Оқушының зейін қойып, есте сақтауын байқау.

1-ден 10-ға дейінгі сандар жазылған плакат 30 секунд уақыт көрсетіліп, алынып тасталынады.

ҮІ. Сабақты қорытындылап, аяқтау (формативті бағалау).